АЖӘАБЖЬҚӘА

Аҟәа. Нанҳәамза 26, 2020 ш. Аҧсныпресс. Аҧсны Ауаажәларратә Палата  ареспублика ахьыҧшымра азхаҵара Амш инамаданы Аҧсны ажәлар зегьы ирыдныҳәалеит.

“Нанҳәамза 26, 2008 шықәса ҳҳәынҭқарра ашьақәгылара аҭоурых аҭоурыхтә иашареи, милаҭрацәала еилоу ҳажәлар агәҭакы анагӡареи  зырҵабыргуа ахҭыс аҳасабала ианылеит. Ҳара ари амш иуадаҩу мҩала иазнеиуеижьҭеи акрааҵуан. Аха иахьа, ҳара ахақәиҭреи ахьыҧшымреи рыхьӡала иҭахаз ҳажәлар  рҵеи иашақәа баша иҭамхеит ҳәа иаҳҳәарц ҳалшоит. 

Урыстәылатәи Афедерациа анапхгара аӡбамҭа иабзоураны, ҳажәлар ршьала икәабоу ахьыҧшымра аофициалла азхаҵара алыршахеит.

Анаҩс Урыстәыла иаҿырҧшны егьырҭ атәылақәагьы Аҧсны ахьыҧшымра азхарҵеит. Урҭ зегьы ҳҳәынҭқарра аганахьала аиҩызара нарыгӡоит”, -ҳәа иаҳәоит адныҳәаларатә шәҟәы аҿы.

Аҧсны Аҳәынҭқарра Ауаажәларратә Палата Урыстәылатәи Афедерациа ажәлари анапхгареи Аҧсны асуверенитет азхаҵареи аиашьаратә цхыраареи ҳаҭыр дула иазнеиуеит.

 

 

 

Аҟәа. Нанҳәамза 25 2020 ш. Аҧсныпресс.  Аҧсны Аҳәынҭқарра ахьыҧшымра жәларбжьаратәи азхаҵара Амшныҳәа аламҭалазы, атәыла адәныҟатәи аусқәа рминистр Даур Ақаҩба  “Аҧсныпресс” акорреспондент диҿцәажәеит.

 

- Нанҳәамза 26 рзы Ареспублика Аҧсны ахьыҧшымра жәларбжьаратәи азхаҵара Амшныҳәа азгәарҭоит. Шәара шәзы ари амш ҵакыс иамоузеи?

 

- Сгәы иаанагоит, нанҳәамза 26 – Ареспублика Аҧсны дарбанызаалак атәылауаҩ изы ари арыцхә акырӡа аанагоит ҳәа. “Урыстәылатәи Афедерациа ала Аҧсны ахьыҧшымра азхаҵара, ҳҳәынҭқарра иҿыцӡоу аҭоурых аҿы акырӡа зҵазкуа хҭысны иҟалеит”. Ари ахҭыс Урыстәылатәи аҳәынҭқарра аганахьала ахылаҧшреи ацхыраареи иақәгәыҕуа акыр аамҭа ҳауаажәлар ззыҧшыз усны иҟалеит. Ҳара иахьа уи ҳашьцылан, усгьы ахала иҟалараны иҟаз хҭысны ҳахәаҧшуеит, убри аан нанҳәамза 26, 2008 шықәса рзы иҟалаз ари ахҭыс иамоу аҵакы ахадара нагӡаны ианыҳзеилымкаауагьы ыҟоуп.  Аҧсны хәыҷы адунеи аҿы зегьы реиҳа идуу аҳәынҭқаррақәа иреиуоу, зхыҧша акыр идуу, жәларбжьаратәи аполитикатә процессқәа алахәылаҩ, зҳәатәы аҧхылнадоу аҳәынҭқарра, Еидҵоу Амилаҭқәа Реиҿкаара есымшатәи алахәыла аҟынтәи адипломатиатә азхаҵара аиуит. Атәыла азы акыр ишәарҭаз, агәҭынчымра зцыз 2008 шықәсазы нанҳәамзатәи амшқәа рзы, Урыстәылатәи Афедерациа Иреиҳаӡоу Анапхгара иаднакылаз аҭоурыхтә ӡбамҭа акыр ҳаҭыр ақәаҳҵоит. Аҧсны ажәлар ишәарҭадоу аҿиаразы акыр аамҭа иззыҧшыз алшара роуит.  

 

 

Аҟәа. Нанҳәамза 25 2020 ш. Аҧсныпресс. Гәдоуҭа ақалақь аҿы иҟалаз аҧсытәбара зцу амҩа-транспорттә хҭыс азы ашьаус хацыркуп. Аҧсны Аҳәынҭқарра аҩныҵҟатәи аусқәа Рминистрра апресс-маҵзура излаанацҳауа ала, нанҳәамза 22, асааҭ 20:00 инарзынаҧшуа, автомашьына “Lexus GS-430” аҧсҟы зкыз, 1994 шықәса рзы ииз Ҳагәышь Лино Енвер-иҧа, Арӡынба имҩаду ала дшаауаз, амҩа еихызҵәоз  ашьаҟауаҩ дисит. Амҩа-транспорттә хҭыс иахҟьаны ахәрақәа зауз, 1957 шықәсазы ииз ашьаҟауаҩ ахәшәтәырҭахьы днаган. Араҟа уи иоуз ахәрақәа ирыхҟьаны иҧсҭазаара далҵит. Л. Ҳагәышь даанкылоуп, Аҧсны Аҳәынҭқарра Ашьаустә закәанеидкыла ахәҭаҷ  263  ахәҭа 3 инақәыршәаны ихацырку ашьаус (Ауаҩы иҧсра зыхҟьаз, амҩатә ҧҟарақәеи атранспорттә хархәагақәеи рхархәара аҧҟарақәа реилагара) аилыргара аҩныҵҟатәи аусқәа Гәдоуҭатәи араионтә ҟәша аусеилыргаратә ҟәша имҩаҧнагоит.  

 

 

 

 

 

Аҟәа. Нанҳәамза 25 2020 ш. Аҧсныпресс. Аҧсны Аҳәынҭқарра Ахада Аслан Бжьаниа аҳаҭыртә хьӡқәа ранашьаразы Аусҧҟақәа инапы рыҵаиҩит. 

Аҧсны амузыктә ҟазара аҿиара аҿы ллагала азы, Р.Д.Гәынба ихьӡ зху аҧснытәи аҳәынҭқарратә филармониа асолистка  Аҩӡба Гәылиза Хәыҭа-иҧҳа, “Ареспублика Аҧсны зҽаҧсазтәыз артист” ҳәа аҳаҭыртә хьӡы ланашьоуп.

Аҟәа. Нанҳәамза 24, 2020 ш. Аҧсныперсс.  Аҧсны Ахада, арбџьармчқәа ркомандаҟаҵаҩ Аслан Бжьаниа аҵак ду змоу хҭысуп ҳәа иҧхьаӡоит Аҧсны атәылахьчара аминистрра акоманда Москва имҩаҧысуа Жәларрыбжьаратәи арратә хәмаррақәа 2020 ралахәра.

“Сара сазҿлымҳауп аицлабрақәа рымҩаҧысшьа, срызгәдууп ҳаруаа иаадырҧшуа ақәҿиарақәа. Урҭ Аҧсны ахьӡ ҳаракны иркыуп”,-азгәеиҭеит Аҧсны Ахада.

“Ирыдысныҳәалоит аекипаж алахәцәа, атәылахьчара аминистрра анапхгара, Аҧсны жәлар зегьы иахьа атанктә биатлон аицлабраҿы ҳаруаа иргаз аиааира, урҭ иаадырҧшит апрофессионалтә зыҟаҵара бзиа ”,-иҳәеит Аслан Бжьаниа. 

Аҧсны Ахада  иажәақәа рыла 90 ҳәынҭқарра рхаҭарнакцәа злахәу аицлабрақәа Аҧсны аруаа ралахәра хымҧада ҳҳәынҭҕарра жәларрыбжьаратәи аҳаҭыр шьҭызхуа хҭысуп. Аслан Бжьаниа ҭабуп ҳәа иаиҳәоит Урыстәылатәи Афедерациа атәылахьчара аминистр, ар реинрал Сергеи Шоигу ҳаруаа ааҧхьара ахьриҭази, Аҧснытәи аделагациа ирзеиҿкааз адкыларазы.

 

Асанепидстанциа алабораториа агәаҭара алҵшәақәа рыдгалара мҩаԥнагеит. 

Аҟәа. Нанҳәамза 4, 2020 ш. Аԥсныпресс.  Асанепидстанциа алабораториа акоронавирусттә ҿкы чымазара  аарԥшразы аԥыза-министр, аԥыза-министр ихаҭыԥуаҩцәа, Аппарат анапхгаҩцәеи аусзуҩцәеи ирымхыз абиоматериал ала имҩаԥгаз агәаҭарақәа рылҵшәақәа  аминистрцәа Реилазаара Аппарат аҿы адгалара мҩаԥнагеит. Абри атәы аанацҳауеит Аминистрцәа Реилазаара апресс-маҵзура. 

Аԥсны иазгәарҭоит Аҳәынҭқарратә бираҟ Амш. 

Аҟәа. Ԥхынгәымза 23, 2020ш. Аԥсныпресс. Дамеи Касланӡиа. Иахьа Аԥсны иазгәарҭоит Аҳәынҭқарратә бираҟ Амш.  1992 – 1993 шш. Аԥсны Аџьынџтәылатәи еибашьра аҿы иҭахаз ҳаҭырла иргәаладыршәарц Ахьӡ-Аԥша апарк аҿы инеит Аҳәынҭқарра Ахада ихаҭыԥуаҩ Бадра Гәынба, аԥыза-министр актәи ихаҭыԥуаҩ Беслан Џьопуа, аԥыза-министр  ихаҭыԥуаҩцәа Владимир Делбеи Кристина Озгани, аҳҭнықалақь ахада Беслан Ешба,

Апарламент адепутатцәа, атәыла Анапхгара алахәылацәа, ауаажәларра ахаҭарнакцәа.  

Атәыла аԥыза-министр Аԥсни Урыстәылеи ргәабзиарахьчара Аминистррақәа русеицура шымҩаԥысуа азы адырра ирҭеит. 

Аҟәа. Ԥхынгәымза 23, 2020 ш. Аԥсныпресс. Аԥсны аԥыза-министр Алеқсандр Анқәаб Урыстәылатәи Афедерациа  агәабзиарахьчара Аминистрра аделегациа ахаҭарнакцәа идикылеит. 

Аиԥылара иара убас рхы аладырхәит Аԥсны агәабзиарахьчара аминистр Ҭамаз Цахнакьиа, аминистр ихаҭыԥуаҩ Алхас Конџьариа. 

Адаҟьа 7 - 7
ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
МИНИСТЕРСТВО ЭКОНОМИКИ РЕСПУБЛИКИ АБХАЗИЯ<br>Официальный сайт
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
ВСЯ АБХАЗИЯ<br>Официальный сайт
Яндекс.Метрика
© 2020 Сайт создан и поддерживается на технической базе  Агентства Правительственной Связи РА

Login to your account

Username *
Password *
Remember Me