АЖӘАБЖЬҚӘА

 

Аҟәа. Цәыббрамза 4. Аҧсныпресс.  Цәыббрамза 3 рзы Аҧсны Жәлар Реизара-Апарламент аҿы адепутатцәеи Аҧсны Аҳәынҭқарра Ахада Аслан Бжьаниеи реиҧылара мҩаҧысит. Ажурналистцәа аиҧылара иалахәӡамызт.

 

Аҟәа. Цәыббрамза 4. Аҧсныпресс.  Аҧсны адәныҟатәи аусқәа рминистр Даур Ақаҩбеи Аҧсны иҟоу Никарагуа ацҳаражәҳәаҩ Альба Асусена Торрес Мехиеи авидеоконференциала еиҽцәажәеит.   Авидеоконференциа Ареспублика Никарагуа ала Ареспублика Аҧсны Аҳәынҭқарратә суверенитети ахьыҧшымреи азхаҵара ҟалеижьҭеит жәаҩа шықәса аҵра иазкын.

Аҟәа. Цәыббрамза 4. Аҧсныпресс.  Аҧсны аҧыза-министр Алеқсандр Анқәаб Ҟабарда-Балкариатәи хатәгәаҧхарала аибашьцәа Реидгыла ахантәаҩы Казбек Иахогоев диҧылеит.

Аҟәа. Цәыббрамза 4. 2020 ш. Аҧсныпресс. Аҧсны аҧыза-министр ихаҭыҧуаҩ, аекономика аминистр Кристина Озган атәыла ақалақьқәеи араионқәеи рыҟны апассаџьыртә мҩангара назыгӡо автотранспорттә наплакқәа рнапхгаҩцәа алархәны аусуратә еилатәара мҩаҧылгеит.

Аҟәа. Цәыббрамза 4. Аҧсныпресс.  Аҧсны аҿари аспорти рызҵаарақәа рзы аҳәынҭқарратә Еилакы ашьапылампыл азы ахәыҷтәы-қәыҧштә зыҟаҵаҩцәа рзы категориа “D” иаҵанакуа  аонлаин-курсқәа еиҿнакаауеит, ҳәа адырра ҟанаҵоит Аҧсны аҿари аспорти рызҵаарақәа рзы Аҳәынҭқарратә Еилакы апресс-маҵзура.

Аҟәа. Цәыббрамза 1, 2020 ш. Аҧсныпресс. Иахьа, Цәыббрамза 1 азы, Аҳәынҭқарра Ахада Аслан Бжьаниа аҵаҩцәеи, арҵаҩцәеи, аҭаацәеи аҵарашықәс ҿыц алагара рыдиныҳәалеит.   

Аҧсны аҩныҵҟатәи аусқәа Рминистрра аусзуҩцәа уахи-ҽни еиҧынкыланы ареидқәа мҩаҧыргоит.

Аҟәа. Нанҳәамза 30. Аҧсныпресс.  Ашәарҭадареи азинлеишәеи рышьақәыргылареи, иара убас азинеиларгарақәа рыҧхьырҟәҟәаареи – амилици аусура ахықәкы хадақәа иреиуоуп.

Аҧсны аҩныҵҟатәи аусқәа Рминистрра апресс-маҵзура излаанацҳауа ала, ареидқәа рымҩаҧгараан Автоҳәынҭинспекциа аҟәшеиҵақәеи ауаажәларратә шәарҭадара амилициеи русзуҩцәа ҳазҭоу амчыҩжь иалагӡаны иаадырҧшит  амҩатә ныҟәара аҿы аҧҟарақәа реилагара иадҳәалоу 1030 факти, 41 инарзынаҧшуа административтә зинеилагарақәеи.

55-ҩык амашьынарныҟәцаҩцәа ижәны амашьына аҧсҟы ахьыркыз азы ахьырхәра иақәыршәоуп, 6-ҩык Ареспублика Аҧсны административтә еилагарақәа рзакәанеидкыла ахәҭаҷ  45 инақәыршәаны, аанкылареи ахараҧса ашәареи раҳасабала административтә ҭакҧхықәра рыдҵоуп.

 

 

 

Нанҳәамза 30 рзы Ҭаҭарсҭан Ареспублика аҿы Ареспублика ашьақәгылареи Казань ақалақьи Рымшныҳәа  азгәарҭоит.  

Аҟәа. Нанҳәамза 30, 2020 ш. Аҧсныпресс. Аҧсны Аҳәынҭқарра Ахада Аслан Бжьаниа Русҭам Минниханов Ҭаҭарсҭан  Ареспублика Амш азы дидныҳәалеит.

Адныҳәаларатә цҳамҭаҟны иҳәоуп: 

“Ҳаҭыр зқәу Рустам Нургали-иҧа!

Аҧсны жәлар рыхьӡала, хаҭала сара сыхьӡала Ҭаҭарсҭан ауааҧсыра зегьы ирыдысныҳәалоит Ҭаҭарсҭан Ареспублика  ашьақәгылареи Казан ақалақьи Рымшныҳәа! 

Иахьа Ҭаҭарсҭан  –  ари зекономика ирласны аҿиара иаҿу, ааглыхратә лшара ду змоу регионуп. 

Аҧсни Ҭаҭарсҭани акыр шықәса раахыс аиҩызаратә еизыҟазаашьақәа рыбжьоуп. 1993 шықәса ҧхынгәымза 1 азы Аҧсны Аџьынџьтәылатә еибашьра ашыкьымҭазы Казан иаартын Аҧсны Аҳәынҭқарра аофициалтә Хаҭарнакра. 

Аҧсны жәлар ҳаҭырла иргәаладыршәоит Ҭаҭарсҭан Ареспублика аибашьра ашықәсқәеи аибашьрашьҭахьтәи аблокадеи раан иҟанаҵаз ацхыраара.   1994 шықәса нанҳәамза 17 рзызнапаҵыҩра мҩаҧгаз  “Аҧсны Аҳәынҭқарреи Ҭаҭарсҭан Ареспубликеи (Урыстәылатәи Афедерациа) рыбжьара аиҩызареи аусеицуреи рзы Аиқәшаҳаҭра” ҳреспубликақәа реимадареи русеицуреи шьаҭас иамоуп. 

Абри аныҳәамш аҽны аиҩызара ҳзызуа Ҭаҭарсҭан Ареспублика иазеиҕьасшьарц сҭахуп аҭынчра, аизҳазыҕьара”.

Аиааира згаз аспортсменцәа Ахраҿа ранеишьеит Аҧсны аҳҭнықалақь ахада Беслан Ешба.

Аҟәа. Нанҳәамза 30. 2020 ш. Аҧсныпресс. Аҟәа ақалақь аҿы ихыркәшахеит ахацәа ркомандақәа рыбжьара амҵәышәмпыл азы Аҧсны Аҩбатәи Ахада игәалашәара иазкны “С.У. Багаҧшь ихьӡ зху Ахраҿа” агаразы IX Жәларбжьаратәи атурнир.  

Атурнир афинал аҿы Краснодартәи атәылаҿацә, ақалақь Гулькевичи аҟынтәи иааз акоманда “Локомотив” Аҧсны акоманда ҕәҕәала ацлабрала асчиот  58:55 ала аиааира агара алшеит.

Аҟәа ақалақь Ахадара апресс-маҵзура излаанацҳауа ала, аҳҭнықалақь ахада Беслан Ешба атурнир аҿы аиааира згаз, Аҟәа ақалақь 2500-шықәса ахыҵра иазкны иҭыжьыз агәаларшәаратә араӡнытә ҧсарқәа “АҞӘА” ранеишьеит. 

Иҭахаз аҳаҧҭҵааҩы иҧсыбаҩ аҭыгаразы атрасса аиқәыршәара ҧшьымш раҟара иадхалар алшоит.

Аҟәа. Нанҳәамза 30, 2020 ш. Аҧсныпресс. Урыстәылатәи аҳаҧҭҵааҩцәеи Аҧсны Иҷыдоу аҭагылазаашьақәа рзы Аминистрра аҧсеиқәырхаҩцәеи аҳаҧы аҟынтәи иҭахаз Павел Демидов иҧсыбаҩ аҭыгаразы аоперациа мҩаҧыргоит ҳәа иаанацҳауеит Иҷыдоу аҭагылазаашьақәа рзы Аминистрра апресс-маҵзура.

Уи аҧхьа, нанҳәамза 22 ахәылбыҽха, урыстәылатәи аҳаҧҭҵааҩы иҧсыбаҩ аилаҳарҭа аҟынтәи иаҵырхит.  Аамҭа кьаҿ иалагӡаны аҳаҧҭҵааҩцәеи аҧсеиқәырхаҩцәеи аҳаҧы аҿы абжьысырҭақәа дрыцқьалоит. Аҧсеиқәырхаҩцәа иҭахаз аҳаҧҭҵааҩы иҧсыбаҩ аҭыгаразы асакаса ахархәара алыршахартә еиҧш ишәарҭоу аҭыҧқәа дырҭбаауеит.

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
МИНИСТЕРСТВО ЭКОНОМИКИ РЕСПУБЛИКИ АБХАЗИЯ<br>Официальный сайт
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
ВСЯ АБХАЗИЯ<br>Официальный сайт
Яндекс.Метрика
© 2020 Сайт создан и поддерживается на технической базе  Агентства Правительственной Связи РА

Login to your account

Username *
Password *
Remember Me